5G དྲྭ་རྒྱའི་གསར་བརྗེའི་དུས་རབས་ཀྱི་རྒྱ་ནག་གི་ལག་རྩལ་མི་རིགས་རིང་ལུགས།

འཛམ་གླིང་ཧྲིལ་པོའི་དྲྭ་རྒྱ་ལག་རྩལ་ཡར་ཐོན་གྱི་རྩེ་མོར་སོན་པའི་སྐབས་འདིར་ང་ཚོའི་དེང་རབས་སྤྱི་ཚོགས་ཀྱང་ལག་རྩལ་དང་དྲྭ་སྦྲེལ་དང་ཁ་བྲལ་ཐབས་མེད་པར་གྱུར་ཡོད། ལག་རྩལ་གོང་འཕེལ་བྱུང་བ་དེས་ང་ཚོའི་དཔལ་ཡོན་གོང་འཕེལ་བྱུང་བར་མཚོན་ཞིང་། མི་སྒེར་དང་མི་རིགས་ཀྱིས་དེར་སྔོན་ཆད་དང་མི་འདྲ་བའི་བརྟེན་ཤུགས་ཆེ་བར་བཏང་ཡོད། དེས་མ་ཚད་ད་སྐབས་ལག་ཐོགས་ཁ་པར་ལག་རྩལ་གྱི་གསར་བརྗེ་ཐག་རིང་ནས་སྐད་ཅིག་ཉིན་ལ་འབྲེལ་གཏུགས་བྱེད་ཐུབ་པ་ཙམ་དུ་མ་ཟད།  ང་ཚོས་མི་སྒེར་དང་ཆེད་ལས་དུས་ཚོད་ཀྱི་གསང་དོན་དང་བདེ་འཇགས་དང་འབྲེལ་བ་ཧ་ཅང་ཆེན་པོ་ཡོད། ལག་ཐོགས་ཁ་པར་གྱི་མཁྲེམས་ཆས་ནུས་པས་དེའི་མཚམས་ཚད་ལ་རྒྱུན་ཆད་མེད་པར་འབད་བརྩོན་བྱེད་བཞིན་ཡོད་མོད། འོན་ཀྱང་ལག་ཐོགས་ཁ་པར་ཡོད་ཚད་ཀྱི་འགག་རྩའི་རྒྱུ་རྐྱེན་གཙོ་བོ་ཕྲ་ཕུང་དྲྭ་རྒྱའི་ལག་རྩལ་གྱིས་ཁ་པར་འདི་དག་གི་དྲྭ་སྦྲེལ་ཞབས་ཞུ་བྱེད་པར་སྟབས་བདེ་བསྐྲུན་ཡོད། ཕྲ་ཕུང་དྲྭ་རྒྱའི་ལག་རྩལ་འཕེལ་རྒྱས་ཀྱིས་འཛམ་གླིང་ཁྱོན་ཡོངས་ཀྱི་མི་སྒེར་དང་མི་རིགས་ཀྱི་སྟབས་བདེ་དང་། གསང་དོན། བདེ་འཇགས་བཅས་ལ་ཕན་ཐོགས་ཡོད་ལ་གནོད་པའང་ཡོད།

5G སྐུད་མེད་དྲྭ་རྒྱའི་ལག་རྩལ་ཞེས་པ་ནི་དེའི་སྔ་རོལ་གྱི་4Gསྐུ་མེད་དྲྭ་རྒྱའི་ལག་རྩལ་ལེགས་གྲུབ་བྱུང་བའི་ཕྲ་ཕུང་དྲྭ་རྒྱའི་ལག་རྩལ་གྱི་ཐོན་རབས་ལྔ་པ་ལ་ཟེར། དེས་4G དང་བསྡུར་ན་ལྡབ་ ༢༠ ཡི་མྱུར་ཚད་མགྱོགས་པའི་གཞི་གྲངས་ཀྱི་མྱུར་ཚད་ཁས་ལེན་བྱས་ཡོད། དེས་ད་དུང་ཧ་ཅང་དུས་ཚོད་ཉུང་ཉུང་མཁོ་འདོན་བྱས་པ་དེས་འགོར་འགྱངས་ཉུང་བ་དང་བློས་འགེལ་ཆོག་པ་མཚོན་གྱི་ཡོད།  དེས་དུས་མཚུངས་འཕྲུལ་ཆས་ཡོ་བྱད་སྔར་བས་མང་བར་འབྲེལ་མཐུད་བྱེད་ཐུབ་པ་མ་ཟད། འཕྲུལ་ཆས་ཀྱི་མི། རང་འགུལ་འཕྲུལ་འཁོར། མིས་བཟོས་རིག་སྟོབས། འཕྲུལ་འཁོར་སློབ་སྦྱོང་། རྟོག་བཟོ་དང་ལེགས་བཅོས་ཀྱི་དོན་དངོས་བཅས་ཀྱི་ཐད་ལ་གསར་བརྗེ་ཅན་དུ་འགྱུར་རྒྱུའི་ནུས་པ་ལྡན་ཡོད། འོན་ཀྱང་འཕྲིན་གཏོང་བྱེད་ཆེད་དུ་བེད་སྤྱོད་བྱེད་པའི་དངོས་པོ་གང་ཞིག་ཡིན་རུང་ཚང་མ་བཀག་སྡོམ་དང་། ལད་ཟློས། ཁ་ལོ་སྒྱུར་བ། ལོག་སྤྱོད་བཅས་བྱེད་ཐུབ་ཀྱི་ཡོད་པ་ཤེས་རྟོགས་བྱ་རྒྱུ་ནི་ཧ་ཅང་གལ་འགངས་ཆེ་བ་ཞིག་ཡིན།  དེས་མ་ཚད་གཞི་གྲངས་ཀྱི་མྱུར་ཚད་ལ་འགྱུར་ལྡོག་ཆེན་པོ་བྱུང་བ་དང་། ཁ་པར་དང་གློག་ཀླད་གྲངས་ལས་འདས་པར་དུས་གཅིག་ཏུ་སྦྲེལ་མཐུད་བྱས་པ་དྲྭ་རྒོལ་གྱི་ཕྱོགས་ངོས་རྒྱ་ཆེར་སོང་ནས་བདེ་འཇགས་ཀྱི་སྐྱོན་ཆ་གསར་པ་ཞིག་འགྱུར་སྲིད། 5G འདི་བཞིན་ལག་རྩལ་གསར་པ་ཞིག་ཡིན་པའི་ཆ་ནས་རྨང་གཞིའི་བཀོད་སྒྲིག་མཁོ་འདོན་དང་མཐུན་འཕྲོད་དང་འབྲེལ་བའི་ཐད་དཀའ་ངལ་ཡོད།  དགོས་ངེས་ཀྱི་གློག་འཕྲིན་ཡོ་བྱད་དང་རྨང་གཞིའི་སྒྲིག་བཀོད་དེ་རིགས་དང་འབྲེལ་བའི་གཞི་གྲངས་ལ་འཇིགས་སྐུལ་མི་ཐེབས་པའི་འགན་ལེན་བྱས་ཏེ་མི་སྒེར་དང་བདེ་འཇགས་ཀྱི་གཞི་གྲངས་བསམ་ཡུལ་ལས་འདས་པའི་གསང་བ་ཕྱིར་ཤོར་བར་སྔོན་འགོག་བྱེད་དགོས།

ཧཱ་ཝེ་དང་ZTEགཉིས་ནི་5Gལག་རྩལ་སྐོར་གླེང་སྐབས་རྒྱ་ནག་གི་ཚལ་རྩལ་ཚོང་ཚོགས་ཆེན་པོ་གཉིས་ཡིན། ཚོང་ཚོགས་འདི་གཉིས་ཀས་གློག་འཕྲིན་ལས་རིག་ཆེད་གཉེར་བྱེད་བཞིན་པ་དང་། འཛམ་གླིང་ཧྲིལ་པོའི་རྒྱང་འཕྲིན་ཡོ་བྱད་བཟོ་བསྐྲུན་པའི་སྣེ་འཁྲིད་པ་ཡིན། ཧྭ་ཝེ་ཡིས་རྒྱ་ནག་སྲིད་གཞུང་དང་འབྲེལ་བ་ཅི་ཞིག་ཡོད་པ་ངོས་མི་ལེན་པར་མ་རྐང་འཛུགས་ཉར་བྱེད་མཁན་ལ་དབང་བའི་སྒེར་གཉེར་ཚོང་ཚོགས་ཤིག་ཡིན་ལུགས་བརྗོད་བཞིན་ཡོད། ཕྱོགས་གཞན་ཞིག་ནས་ ZTE ནི་ཕྱེད་ཁ་རྒྱ་ནག་གཞུང་ལ་དབང་བ་ཞིག་ཡིན་པ་ཤེས་རྟོགས་བྱུང་ཡོད། འཛམ་གླིང་ཧྲིལ་པོར་5Gའགྲན་སྡུར་བྱེད་སྐབས། རྒྱ་ནག་སྲིད་གཞུང་གིས་བྱེད་ཐབས་སྤྱད་དེ་ཐོན་ཁུངས་དང་དཔོན་ཉམས་རིང་ལུགས་ཀྱི་མཐུན་སྦྱོར་ལ་བརྟེན་ནས་འཛམ་གླིང་ཡོངས་ཀྱི་ཚོང་རར་ཁ་ལོ་སྒྱུར་རྒྱུའི་ཧམ་སེམས་བྱེད་བཞིན་ཡོད། རྒྱལ་ཁབ་འདྲ་མིན་གྱི་ཆེད་ལས་ཞབས་ཞུའི་མི་སྣ་ཡོད་པའི་ Deloitte ཞེས་པའི་ཚོང་ཚོགས་ཀྱིས་ཕྱི་ལོ་ ༢༠༡༨ ལོའི་ཕྱི་ཟླ་ ༨ ནང་བཏོན་པའི་སྙན་ཐོ་ལྟར་ན།  ཕྱི་ལོ་ ༢༠༡༥ ནས་བཟང་རྒྱ་ནག་གིས་5G ཅན་གྱི་དྲྭ་རྒྱའི་ལྕོགས་མཁར་གསར་པ་གྲངས་ ༣༥༠,༠༠༠ གསར་འཛུགས་བྱས་ཡོད་པ་དང་།  དུས་ཡུན་དེའི་ནང་ཨ་རིས་5G ཅན་གྱི་དྲྭ་རྒྱའི་ལྕོགས་མཁར་གསར་པ་གྲངས་ ༣༠,༠༠༠ གསར་འཛུགས་བྱས་པ་བཀོད་ཡོད། རྒྱ་ནག་ནི་5Gདང་འབྲེལ་བའི་ཡོ་བྱད་གསར་བསྐྲུན་དང་ཡར་རྒྱས་གཏོང་མཁན་ཐོག་མའི་གྲས་ཡིན་ཅིང་། དེའི་གྲགས་ཆེ་བའི་ཚོང་ཚོགས་ཧྭ་ཝེ་དང་ZTEགཉིས་ནི་མཉེན་ཆས་དང་མཁྲེགས་ཆས་གཉིས་ཀའི་ཐད་ནས་5Gཅན་དུ་གྱུར་ཚར་ཡོད།  དེ་མིན་རྒྱ་ནག་གིས་ད་དུང་བོད་ནང་གི་ཧི་མ་ལ་ཡའི་ལུང་ཁུག་ས་ཁུལ་གྱི་གན་བྷ་ལའི་རེ་ཌར་ས་ཚིགས་སུ་5G རྟེན་གཞི་བཙུགས་པ་དེ་ནི་འཛམ་གླིང་ཐོག་མཐོ་ཚད་སྨི་5374ཟིན་པའི་རེ་ཌར་ས་ཚིགས་ཤིག་ཡིན།   2020 ལོའི་ཟླ་ 6 ཚེས་ 30 ཉིན་ཨ་རིའི་རྒྱལ་ཕྲན་མཉམ་འབྲེལ་འཕྲིན་གཏོང་ལྷན་ཁང་གིས་ཧྭ་ཝེ་དང་ ZTE གཉིས་རྒྱ་ནག་དམར་ཤོག་ཚོགས་པ་དང་རྒྱ་དམག་གི་ཡོ་བྱད་མཁོ་སྒྲུབ་དང་འབྲེལ་བ་དམ་ཟབ་ཡོད་རྐྱེན་རྒྱལ་ཁབ་ཀྱི་བདེ་འཇགས་ལ་ཉེན་ཁ་ཡོད་པ་གཞུང་འབྲེལ་ཐོག་ནས་གཏན་འཁེལ་བྱས་པ་རེད། རྒྱལ་ཁབ་ཀྱི་བདེ་འཇགས་ལ་ཉེན་ཁ་ཡོད་པའི་རྒྱ་ནག་གི་འཕྲུལ་ལས་ཚོང་ཚོགས་གཞན་དག་ནི་ཧའེ་ཏེ་རཱ་འཕྲིན་གཏོང་ཚོང་ཚོགས་ Hytera Communications Corporation,དང་། ཧང་ཀྲོའུ་ཧི་ཁེ་ཝེ་སི་དྲྭ་རྒྱའི་ལག་རྩལ་ཚོང་ཚོགས། Hangzhou Hikvision Digital Technology Company, དཱ་ཧུ་ཨ་ལག་རྩལ་ཚོང་ཚོགས་ Dahua Technology Company བཅས་ཡིན།

རྒྱ་ནག་གི་སྲིད་འཛིན་ཞིས་ཅིན་ཕིང་གིས་2013ལོར་དངོས་སུ་ལག་བསྟར་བྱེད་འགོ་ཚུགས་པའི་ཕྱི་འབྲེལ་སྲིད་ཇུས་རྒྱུད་གཅིག་ལམ་གཅིག་ (BRI)ཅེས་པ་ནི་རྒྱ་ནག་གི་དཔལ་འབྱོར་གོང་འཕེལ་ཆེད་འཛམ་གླིང་གི་རྒྱལ་ཁབ་ཁག་ཏུ་རྒྱ་ནག་གི་མ་འཛུགས་བྱས་ཏེ་རྒྱ་ནག་གི་ཐོན་སྐྱེད་ལ་ཁྲོམ་ར་རྒྱ་བསྐྱེད་དང་འཛམ་གླིང་ནང་རྒྱ་ནག་གི་གཟུགས་བརྙན་མངོན་གསལ་འདོད་པོ་བཟོས་ཏེ་རྒྱ་ནག་སྲིད་གཞུང་གིས་འཛམ་གླིང་ཡོངས་ཀྱི་ལག་རྩལ་ཁ་ལོ་སྒྱུར་བའི་འཐབ་ཇུས་ཤིག་ཡིན། འོན་ཀྱང་མི་རྣམས་ཀྱིས་ཡོངས་ཁྱབ་ཏུ་འཐབ་ཇུས་འདི་ནི་རྒྱ་ནག་གི་གོ་ལ་ཧྲིལ་པོའི་རྐང་རྗེས་བརྟན་དུ་གཏོང་བ་དང་ཕྱི་འབྲེལ་དང་འཐབ་ཇུས་ཀྱི་སྟོབས་ཤུགས་ཆེ་རུ་གཏོང་རྒྱུ་དེ་ཡིན་པར་ངོས་འཛིན་བྱེད་ཀྱི་ཡོད།  རྒྱུད་གཅིག་ལམ་གཅིག་BRI ཅེས་པའི་སྲིད་ཇུས་འདི་ནི་འཛམ་གླིང་ཡོངས་ལ་རྒྱ་ནག་གི་ས་ཁམས་ཆབ་སྲིད་དང་དཔལ་འབྱོར་གྱི་ཤུགས་རྐྱེན་ཐེབས་པའི་རྒྱ་ནག་གི་ཁྱབ་ཁོངས་གསར་སྐྲུན་བྱ་རྒྱུ་དམིགས་ཡུལ་དུ་བཟུང་བའི་སྔོན་གནས་སྲིད་ཇུས་དང་ལས་འཆར་གྱི་ཤུགས་སྣོན་རྒྱག་པའི་པར་གཞི་ཞིག་ཡིན།  རྒྱ་ནག་གི་འགོ་ཁྲིད་པས་དེ་ལ་”དུས་རབས་ཀྱི་ལས་གྲྭ་”ཞེས་བརྗོད་པ་མ་ཟད།  རྒྱལ་ཁབ་ཀྱི་རྩ་ཁྲིམས་ནང་དུ་ཡང་དེ་བཀོད་ཡོད། རྒྱ་ནག་གི་ཁེ་ལས་ཚོང་ཚོགས་ཀྱིས་5Gལག་རྩལ་གྱི་རྒྱལ་སྤྱིའི་ཚད་གཞི་གཏན་འབེབས་ལས་ཁུངས་སུ་ཞུགས་པ་ནི་གོ་ལ་ཧྲིལ་པོའི་ཚད་གཞི་དེ་རྒྱ་ནག་ལག་རྩལ་དང་མཐུན་པར་ཁག་ཐེག་བྱས་ནས་གོ་ལ་ཧྲིལ་པོའི་ཆབ་སྲིད་དང་དཔལ་འབྱོར་ལས་རྒྱ་ནག་གི་ཁེ་ཕན་བསྐྲུན་ཆེད་ཡིན།  འཛམ་གླིང་གི་རྒྱལ་ཁབ་ཁག་གིས་རྒྱ་ནག་གི་ 5G ལག་རྩལ་བེད་སྤྱོད་དང་ལག་བསྟར་བྱ་རྒྱུར་འདོད་མོས་དེ་ཙམ་མེད། དེ་ནི་ཧྭ་ཝེ་དང་ZTE, རྒྱ་ནག་གི་ཁ་པར་ཁེ་ལས་ཚོང་ཚོགས་ཆེན་པོ་ཁག་གི་ཚན་རྩལ་མི་སྣའི་གློག་འཕྲིན་ཡོ་བྱད་ལ་བརྟེན་ནས་རྒྱ་ནག་གསང་བའི་ལས་ཁུངས་དང་དམག་དཔུང་གིས་ཞི་བདེ་དང་དཀའ་སྡུག་གི་དུས་སྐབས་གཉིས་ཀར་ནུས་པ་ལྡན་པའི་ཐོག་ནས་སྟངས་འཛིན་བྱེད་ཐུབ་ཀྱི་ཡོད་པས་ཡིན།

རྒྱུད་གཅིག་ལམ་གཅིག་BRI གི་ལྟེ་བའི་གྲུབ་ཆ་ཞིག་ནི་དྲྭ་ལམ་དར་གོས་ཚོང་ལམ་ཡིན་ཞིང་། དེ་ནི་རྒྱ་ནག་གིས་གློག་འཕྲིན་དྲྭ་ལམ་སྡེ་ཁག་སྡེབ་སྒྲིག་བྱེད་པའི་འཆར་གཞིར་ཟེར།  སྡེ་ཁག་འདི་དག་གི་ཁོངས་སུ་ ZTE དང་།  རྒྱ་ནག་གི་ཁ་པར།  ཧྭ་ཝེ། དངོས་པོའི་དྲ་སྦྲེལ་དང་། གློག་རྡུལ་ཚོང་དོན་(ཨ་ལི་བྷ་བ་དང་JD.com པ་)བཅས་ཚུད་ཡོད། འཆར་གཞི་འདིའི་ནང་དུ་རྒྱ་ནག་ལྟེ་བར་བྱེད་པའི་ལག་རྩལ་སྒྲིག་ལམ་ཞིག་ཚུད་ཡོད། རྒྱ་ནག་གི་དྲྭ་རྒྱའི་རྨང་གཞིའི་སྒྲིག་བཀོད་ཕྱིར་གཏོང་བྱ་རྒྱུ་གཙོ་གནད་དུ་བཟུང་ཐོག་དགོས་ངེས་ཀྱི་གློག་འཕྲིན་ཡོ་བྱད་ཚུད་ཡོད། རྒྱལ་ཁབ་ཀྱིས་རྒྱབ་སྐྱོར་བྱེད་པའི་ལག་རྩལ་གཙོ་ཁྲིད་ཀྱི་གོ་གནས་འདི་ནི་རྒྱལ་ཁབ་གཞན་དག་དང་དེའི་མི་རིགས་ཀྱི་གྲུབ་ཚུལ་དང་ཆབ་སྲིད་ཀྱི་སྒྲིག་ལམ་དང་འབྲེལ་བ་ཡོད་པའི་གཞི་གྲངས་ཕོན་ཆེན་ཐོབ་ཐབས་བྱས་ནས་འཛམ་གླིང་ཡོངས་ཀྱི་ཆབ་སྲིད་ལྟ་བ་ཁ་ལོ་སྒྱུར་ཐབས་ཤིག་ཡིན། འདིའི་འཇིགས་སྐུལ་ཉེན་ཚབས་ཆེ་བའི་ཆེས་མངོན་གསལ་གྱི་གནས་ཚུལ་ནི་གཤམ་གསལ་ལྟར་ཡིན།

• པེ་ཅིན་གྱིས་ཤིན་ཅང་དུ་ཡུ་གུར་རིགས་ཀྱི་གྲངས་ཉུང་མི་རིགས་ལ་དྲག་གནོན་བྱེད་པའི་ལག་རྩལ་ཉིན་རེ་བཞིན་ཇེ་དྲག་ཏུ་འགྲོ་བཞིན་ཡོད།  དེའི་ནང་དུ་ལྟ་སྐུལ་ཚོད་འཛིན་པར་ཆས་དང་། མིས་བཟོས་རིག་སྟོབས། སྐྱེ་དངོས་དབྱེ་འབྱེད་(དཔེར་ན་སྐད་སྒྲའི་མ་དཔེ་དང་།  རིགས་རྒྱུན་གྱི་མ་དཔེ། ངོ་གདོང་ངོས་འཛིན་ལྟ་བུ།
• རྒྱ་ནག་སྲིད་གཞུང་གི་སྔོན་ཐོན་འཕྲིན་སྐྱེལ་ལག་རྩལ་གྱིས་སྲིད་གཞུང་གི་དཔོན་རིགས་དང་དེའི་བྱ་སྤྱོད་ལ་རྩོད་གླེང་དང་སྐྱོན་བརྗོད་བྱས་ཏེ་རྒྱ་ནག་གི་བསམ་བློ་དང་མཐུན་པ་དང་ལྷག་བསམ་རྣམ་དག་ཡོང་བར་སྐུལ་འདེད་གཏོང་དགོས།
• དབྱིན་ཡིག་ཐོག་”མི་རིགས་ཆེན་པོར་ཞིབ་འཇུག་བྱེད་པ་“ཞེས་འབོད་པའི་རྒྱ་ནག་ཉེར་སྤྱོད་མཉེན་ཆས་ཤིག་ནི་”ཞིས་ཅིན་ཕིང་གི་བསམ་བློ་”ལ་བརྟེན་ནས་སྤྱོད་མཁན་ལ་སློབ་གསོ་བཏང་ནས་རྒྱ་ནག་གུང་ཁྲན་ཏང་ལ་བློ་དཀར་སེམས་དཀར་བྱེད་པའི་ཆེད་དུ་ཡིན་ཞིང་། བེད་སྤྱོད་བྱེད་མཁན་གྱིས་དེའི་ནང་གི་རྩོམ་ཡིག་ལ་བལྟས་ནས་ཧུར་བརྩོན་གྱིས་དཔྱད་གཏམ་བརྗོད་པར་བརྟེན་ནས་བྱ་དགའ་ཐོབ་པ་རེད།  ལས་ཀ་བྱེད་ས་ཁ་ཤས་སུ་ཉེར་སྤྱོད་མཉེན་ཆས་དེ་གླ་ཕོགས་དང་འབྲེལ་བ་ཡོད་པས། བཀོལ་སྤྱོད་བྱེད་པར་རྒྱ་ནག་གི་ལས་བྱེད་པ་དང་གཞུང་ལས་པར་སྒྲིག་སྦྱོར་བྱེད་པའི་བཙན་ཤེད་རང་བཞིན་ལྡན། འཇར་མན་གྱི་དྲྭ་རྒྱའི་བདེ་འཇགས་ཚོང་ཚོགས་Cure53 ཞེས་པས་ད་དུང་སྙན་ཞུ་ཞིག་ཁྱབ་བསྒྲགས་བྱས་ཏེ། ཁོ་ཚོས་རྒྱ་ནག་ལ་དྲ་སྤྱོད་མཁན་གྱི་སྡོད་གནས་དང་། ཁ་པར། འབྲེལ་གཏུག་བྱེད་སྟངས་བཅས་ཐོ་འགོད་བྱེད་པའི་ལྟག་སྒོའམ་ལྐོག་ཁང་། ཡང་ན”ཁང་པའི་ཕྱི་རོལ་““backdoor” ཞེས་པ་ཞིག་ཡོད་པ་ར་སྤྲོད་བྱས། ཉེར་སྤྱོད་མཉེན་ཆས་ཁྲོད་རྙེད་པའི་ཚབ་རྟགས་ཤིག་གིས་”རིམ་འདས་སྤྱོད་མཁན་”“super user” གྱི་དམིགས་བསལ་དབང་ཆ་སྤྱད་དེ་ཡིག་ཆ་བཟོ་བཅོས་དང་ keystroke logging མཉེན་ཆས་སྒྲིག་སྦྱོར་བྱེད་ཐུབ།  བཀོལ་སྤྱོད་བྱེད་མཁན་གྱིས་ངེས་པར་དུ་མི་སྒེར་གྱི་གཞི་གྲངས་དང་། པར་ཆས། སྐད་སྦུག  ཁ་པར་གྱི་ཟིན་ཐོ། གནས་ཡུལ་བཅས་ལ་ལྟ་ཞིབ་བྱེད་པར་འཐད་པ་བྱུང་།

རྒྱ་ནག་གི་2017ལོའི་རྒྱལ་ཁབ་ཀྱི་གསང་གནས་ཁྲིམས་ཡིག་གིས་བཅའ་ཁྲིམས་ཀྱི་བླང་བྱ་ལྟར་རྒྱ་ནག་གི་ཁེ་ལས་ཚོང་ཚོགས་དང་། རྩ་འཛུགས།  སྤྱི་དམངས་བཅས་གང་ཞིག་ཡིན་རུང་དགོས་མཁོ་ཡོད་དུས་རྒྱ་ནག་བདེ་འཇགས་དང་གསང་བའི་ལས་ཁུངས་ལ་རྒྱབ་སྐྱོར་དང་།  རོགས་རམ།  དེའི་རྐྱེན་གྱིས་ 5G རྟེན་གཞིའི་སྒྲིག་བཀོད་ཀྱི་རྒྱ་ནག་གློག་འཕྲིན་སྒྲིག་ཆས་ནང་འདྲེན་དང་མ་དངུལ་འཇོག་པར་རྒྱལ་ཁབ་ཀྱི་བདེ་འཇགས་ལ་འཇིགས་སྣང་ཉེན་ཚབས་ཆེན་པོ་བཟོ་སྲིད་པས།  དམག་དོན་དང་རྒྱལ་སྲུང་གསང་འཕྲིན་གསང་མྱུལ་གྱི་བྱ་སྤྱོད་ལ་གོ་ནོར་ཐེབས་སྲིད། ཨོ་སི་ཁྲུ་ལི་ཡའི་འཐབ་ཇུས་སྲིད་ཇུས་ཞིབ་འཇུག་ཁང་གི་སྙན་ཐོ་ལྟར་ན།  རྒྱ་ནག་རྒྱལ་ཁབ་ལ་དབང་བའི་གཞི་གྲངས་ཆེན་པོའི་ཁེ་ལས་ཚོང་ཚོགས་ཤིག་གིས་ཉིན་ལྟར་སྤྱི་ཚོགས་དང་སྲོལ་རྒྱུན་གྱི་བརྒྱུད་ལམ་དང་5Gཡིས་ཆ་སྙོམ་སྐད་རིགས་མི་འདྲ་བ་ 65 ཡི་ཚིག་ཁྲག་ཁྲི་ཆེན་པོ་ལྔ་ five trillion wordsའདོན་བཞིན་ཡོད་པ་བཀོད་ཡོད། དེས་ན་རྒྱ་ནག་གློག་འཕྲིན་སྒྲིག་ཆས་ནང་འདྲེན་བྱས་པའི་མཇུག་འབྲས་ནི་དེའི་ལག་རྩལ་སྒེར་གཅོད་རིང་ལུགས་དང་ལག་རྩལ་མི་རིགས་རིང་ལུགས་ཀྱི་བྱེད་སྟངས་ནང་འདྲེན་བྱས་པ་དང་ཧ་ལམ་འདྲ་བ་རེད།

རྒྱ་ནག་གིས་དྲང་གཞག་མིན་པའི་ཉོ་ཚོང་བྱེད་སྟངས་དང་། ཁ་གསབ། ཚོང་རའི་བཀག་རྒྱ། ཤེས་བྱའི་ཐོན་དངོས་བདག་དབང་རྐུ་ཁྱེར་བཅས་དང་རྒྱ་ནག་བཅའ་ཁྲིམས་ཟུང་འབྲེལ་བྱས་ཏེ་རྒྱ་ནག་ཁེ་ལས་ཀྱིས་རྒྱལ་ཁབ་དབང་འཛིན་ལས་ཁུངས་ལ་གསང་འཕྲིན་འཚོལ་སྡུད་བྱེད་རོགས།  མི་མང་པོ་ཞིག་གིས་རྒྱ་ནག་གི་ 5G ཡིས་གོ་ལ་ཧྲིལ་པོའི་ཚོང་རའི་ཁ་ལོ་སྒྱུར་བའི་འགྲན་བསྡུར་དེ་ཐོག་མར་རྒྱལ་ཡོངས་ཀྱི་ཁྱབ་ཁོངས་སུ་བཀོད་སྒྲིག་བྱེད་པར་དཔལ་འབྱོར་གྱི་ཕན་འབྲས་ཁོ་ན་ལས་བརྒལ་བར་སེམས་ཁུར་བྱེད་ཀྱིན་ཡོད། རྒྱལ་ཁབ་ཁག་གིས་རང་ཉིད་ཀྱི་རྒྱལ་ཁབ་བདེ་འཇགས་དང་མི་དམངས་ཀྱི་གསང་དོན་ལ་སེམས་ཁུར་བྱེད་པའི་རྒྱལ་ཁབ་ཀྱིས་རྒྱ་ནག་གློག་འཕྲིན་ཡོ་བྱད་དམ་ཡང་ན་དེའི་ 5G རྟགས་ཅན་གྱི་རྨང་གཞིའི་སྒྲིག་བཀོད སའི་གོ་ལ་ཧྲིལ་པོའི་མི་སྒེར་དང་། ཁེ་ལས་ཚོང་ཚོགས། སྲིད་གཞུང་བཅས་ཀྱི་བདེ་འཇགས་ནི་ 5G ཡི་ཚད་གཞི་གཏན་འབེབས་བྱེད་སྐབས་རྒྱལ་སྤྱིའི་མཉམ་ལས་ལ་བརྟེན་དགོས་ལ།  རྒྱ་ནག་སྐམ་ས་ཆེན་པོ་ལས་བརྒལ་བའི་བློས་འགེལ་ཆོག་པའི་སྒེར་གཉེར་སྡེ་ཁག་གིས་ཀྱང། འཛམ་གླིང་ཡོངས་ཀྱི་ཐུན་མོང་གི་བྱ་སྤྱོད་ཀྱིས་འཛམ་གླིང་གི་ལག་རྩལ་ཡར་ཐོན་གྱི་སྒྲིག་ལམ་ལ་འགྱུར་ལྡོག་འབྱུང་བར་སྔོན་དཔག་བྱ་དགོས། བྱེད་ཐབས་དེ་རིགས་ཀྱི་ནང་དུ་ཧ་ཅང་ཉུང་ཉུང་ཞིག་ལས་མེད་ཀྱང་གཤམ་གསལ་གྱི་ནང་དོན་ཚུད་མེད།

• གུ་ཡངས་དང་རང་དབང་ལྡན་པའི་རྒྱལ་ཁབ་ཁག་གིས་མནའ་མཐུན་རྒྱལ་ཁབ་དང་མཉམ་དུ་འགག་རྩ་དང་རྩེར་སོན་དྲྭ་རྒྱའི་ལག་རྩལ་གྱི་འབྱུང་ཁུངས་གསར་པ་གསར་སྤེལ་བྱ་དགོས།
•  མི་རབས་རྗེས་མའི་གོ་ལ་ཧྲིལ་པོའི་ལག་རྩལ་ཐད་ནས་རྒྱང་ལྟའི་རང་བཞིན་ལྡན་པའི་ཐོན་ལས་སྲིད་ཇུས་གཏན་འབེབས་བྱ་དགོས།
• རྒྱལ་ནང་དང་ཡིད་རྟོན་རུང་བའི་ཁེ་ལས་ཚོང་ཚོགས་ལ་རྒྱབ་སྐྱོར་བྱ་རྒྱུ་དང་།  དེའི་ཐོན་རྫས་ནི་5G ནི་མ་འོངས་པར་མེད་དུ་མི་རུང་བ་ཞིག་ཡིན།
• རྒྱལ་སྤྱིའི་ཚད་གཞི་གཏན་འབེབས་ལས་ཁུངས་ནང་མཉམ་ལས་ཀྱི་འགོ་ཁྲིད་ནུས་པ་འདོན་སྤེལ་བྱ་དགོས་པ་ལས་མི་རིགས་གཅིག་པུས་དབང་སྒྱུར་གྱི་གོ་གནས་བཟུང་ནས་འབྱུང་གྲབས་ཡོད་པའི་སྐུད་མེད་ལག་རྩལ་ལ་སྒེར་སྡེམ་བྱེད་དུ་འཇུག་མི་རུང་།