རྒྱ་ནག་གི་འཕྲུལ་རིགས་དཔལ་འབྱོར་དང་དེ་བཞིན་ཉིན་རེ་བཞིན་ཆེ་རུ་འགྲོ་བཞིན་པའི་ཟོག་སྦྲེལ་དྲ་བའི་བདེ་འཇགས་འཇིགས་སྣང་།
བསྡོམས་ཚིག།
- རྒྱ་ནག་གི་འཕྲུལ་རིགས་དཔལ་འབྱོར་ཚད་མཐོ་བོའི་ངང་ཡར་རྒྱས་འཐེབས་བཞིན་པ་དང་ཆབས་ཅིག་འཛམ་གླིང་ཡོངས་ཟོག་སྦྲེལ་དྲ་བ་ལ་སོགས་པའི་འཕྲུལ་རིགས་ཀྱི་བདེ་འཇགས་ལ་ཤུགས་རྐྱེན་ཚབས་ཆེན་ཐེབས་ཡོད།
- རྒྱ་ནག་གི་ཐོན་སྐྱེད་བྱས་པའི་འཕྲུལ་ཆས་དང་། དངོས་པོའི་དྲ་སྦྲེལ། དྲ་རྒྱའི་རྨང་གཞིའི་སྒྲིག་བཀོད་བཅས་བེད་སྤྱད་དེ་ང་ཚོའི་དགྲ་བོ་རྣམས་ལ་སྔར་བྱུང་མ་མྱོང་བའི་ལྟ་སྐུལ་ཚོད་འཛིན་དང་ཞིབ་བཤེར་བྱེད་པའི་འཐབ་ཇུས་ཀྱི་ལེགས་ཆ་འདོན་སྤེལ་བྱས་ཡོད།
- འཕྲུལ་རིགས་འཕྲོད་བསྟེན་གྱི་ལག་ལེན་ནི་ཆ་འཕྲིན་ལག་རྩལ་གྱི་དུས་རབས་སུ་ང་ཚོའི་ཆེད་ལས་དང་མི་སྒེར་གྱི་འཚོ་བའི་ནང་ཧ་ཅང་གལ་འགངས་ཆེ་བ་ཞིག་ཏུ་རྒྱུར་ཡོད།
རྒྱ་ནག་གི་འཕྲུལ་རིགས་དཔལ་འབྱོར་ཡར་རྒྱས་མྱུར་ཚད་འདི་འགྲན་ཐུབ་མཁན་ཉུང་ཤས་ལས་མེད། འཕྲུལ་རིགས་དཔལ་འབྱོར་ནི་ཐད་ཀར་རམ་གཞན་བརྒྱུད་ཀྱི་སྒོ་ནས་གནས་ཚུལ་དང་ཆ་འཕྲིན་ལག་རྩལ་བེད་སྤྱད་དེ་ཐོན་ཁུངས་བགོ་བཤའ་རྒྱག་པར་སློབ་སྟོན་དང་ཐོན་སྐྱེད་ནུས་ཤུགས་ཇེ་ཆེར་གཏོང་བའི་དཔལ་འབྱོར་གྱི་རྣམ་པ་ཞིག་ཏུ་རྒྱུར་ཡོད། ཁ་ཤས་ཀྱི་དཔལ་འབྱོར་གསར་པའམ་ཡང་ན་དྲ་རྒྱའི་དཔལ་འབྱོར་ཡང་ཟེར། མགྱོགས་མྱུར་དཔལ་འབྱོར་གསར་པ་འདི་རྒྱུད་རྒྱ་ནག་དཔལ་འབྱོར་གྱི་སྒུལ་ཤུགས་གལ་ཆེ་ཤོས་ཤིག་ཏུ་འགྱུར་བཞིན་ཡོད། རྒྱ་ནག་གི་འཕྲུལ་རིག་དཔལ་འབྱོར་དེ་རྒྱལ་ཁབ་ཀྱི་འཕེལ་རྒྱས་འཐབ་ཇུས་ཀྱི་འགག་རྩའི་མ་ལག་ཅིག་ཏུ་གྱུར་ནས་བྱ་དགའ་སྤྲོད་པ་དང་། སྲིད་ཇུས་གསར་པ། བཅའ་ཁྲིམས་གསར་པ་བཅས་ཀྱི་ལམ་ཕྱོགས་ཞིབ་ཕྲ་གཏན་འབེབས་བྱས་ཡོད། གནས་ཚུལ་མང་དག་ཞིག་དང་། སྤྲིན་རྩིས། ཟོག་སྦྲེལ་དྲ་བ། ལྕགས་སྒྲོག་དུམ་བུ། མིས་བཟོས་རིག་སྟོབས། 5G དྲ་རྒྱའི་རྨང་གཞིའི་སྒྲིག་བཀོད་བཅས་ནི་འཕྲུལ་རིགས་དཔལ་འབྱོར་ཁྲོད་དུ་རྩ་བའི་ནུས་པ་ཐོན་པའི་ལག་རྩལ་ཡིན།
༢༠༢༡ ལོའི་ཟླ་ ༣ ཚེས་ ༡༡ ཉིན་ཁྱབ་བསྒྲགས་བྱས་པའི་སྐབས་བཅུ་བཞི་པའི་ FYP ( ལོ་ལྔའི་འཆར་གཞི།) དེ་བས་ཀྱང་གཙོ་གནད་དུ་བཟུང་ནས་འཐབ་ཇུས་ཀྱི་ཁྱབ་ཁོངས་ཁ་ཤས་ཏེ་ཚོར་བྱེད་འཕྲུལ་ཆས་དང་། དངོས་ཟོག་སྐྱེལ་འདྲེན་གྱི་འཕྲུལ་རིག་མཁོ་འདོན། ཀོན་ཊམ་གནས་ཚུལ། འབྲེལ་ལམ། མཉམ་འདྲེས་རྒྱུ་ལམ། ལྕགས་སྒྲོགས་དུམ་བུ་དང་། 6G ཀྱི་ལག་རྩལ་མང་དག་ཞིག་ལ་སྐུལ་འདེད་གཏོང་ཡོད། རྒྱ་ནག་གི་འཕྲུལ་རིག་དངུལ་ལོར་ digital yuan or e-CNY ནི་རྒྱལ་ཁབ་ཀྱིས་གཙོ་ཁྲིད་བྱེད་པའི་འཕྲུལ་རིག་ཅན་གྱི་གཏོང་སྤྲོད་ལམ་སྲོལ་ལག་བསྟར་ཐོག་མ་དེ་ཡིན།
འཕྲུལ་རིག་དངུལ་ལོར་འདི་དངོས་ཡོད་རྒྱ་སྒོར་དང་བཅའ་ཁྲིམས་ལྡན་པའི་ཐོག་དངུལ་སྤྲོད་ལེན་སོགས་ལོངས་སུ་སྤྱོད་རྒྱུ་ཡོད་པ་མ་ཟད། མང་ཚོགས་ལ་ཚོང་ལས་ཀྱི་གནས་ཚུལ་ཡོད་ཚད་ལ་སྤྱོད་ཆོག་པའི་ཡོངས་ཁྱབ་ཡོ་ཆས་ཞིག་ཏུ་རྒྱུར་ཡོད། རྒྱ་ནག་གི་ད་དུང་འཛམ་གླིང་ཐོག་གི་གཞི་ཁྱོན་ཆེ་ཤོས་དང་སྔོན་ཐོན་ཆེ་ཤོས་ཀྱི་དྲ་རྒྱའི་སྒྲིག་བཀོད་མང་པོའི་མཚན་སྙན་བསྐྲུན་ནས་ 5G གནས་གཞིའི་ས་ཚིགས་ཁྲི་ ༡༤༣ ཡས་མས་སུ་ 5G སྤྱོད་མཁན་ཁྲི་ ༥༠༠༠ ལྷག་ཙམ་ལེགས་གྲུབ་བྱུང་ཡོད། སྐབས་བཅུ་བཞི་པའི་ FYP ལེགས་འགྲུབ་ཡོང་བར་མཁོ་བའི་སྲིད་ཇུས་བསྒྱུར་བཅོས་བྱེད་པར་འབད་བརྩོན་ཆེན་པོ་ཁག་གཤམ་གསལ།
- “Fintech འཕེལ་རྒྱས་འཆར་འགོད།” ༢༠༢༢ – ༢༠༢༥ ལོའི་ནང་གཙོ་གནད་དུ་བཟུང་བ་ནི་རྒྱལ་ཡོངས་ཀྱི་དངུལ་རྩའི་ཞབས་ཞུ་འཕྲུལ་རིག་ཅན་དུ་འགྱུར་བར་སྐུལ་འདེད་གཏོང་རྒྱུ་དེ་ཡིན། ༢༠༢༢ ལོའི་ཟླ་༡ པོར་རྒྱ་ནག་མི་དམངས་དངུལ་ཁང་གིས་ཁྱབ་བསྒྲགས་བྱེད་ཡོད།
- “ཤར་ཕྱོགས་ཀྱི་གནས་ཚུལ་དང་ནུབ་ཕྱོགས་རྩིས་རྒྱག་“གིས་ས་ཁོངས་རང་བཞིན་གྱི་ལྟེ་གནས་བཞི་གསར་སྐྲུན་བྱས་ནས་རྩིས་རྒྱག་ནུས་པའི་མཁོ་སྤྲོད་ཐད་ཀྱི་འགྲན་སློང་ལ་ཁ་གཏད་འཇལ་བ་དང་། རྒྱལ་ཁབ་ཀྱི་སྤྱིའི་འཕྲུལ་རིག་ནུས་པ་ཆེ་རུ་གཏོང་དགོས་པ་དང་། ༢༠༢༢ ལོའི་ཟླ་༢ པར་འགྲེམས་སྤེལ་བྱས་འདུག།
- “གནས་ཚུལ་ཕྱིར་གཏོང་བདེ་འཇགས་དཔྱད་དཔོག་བྱེད་ཐབས།” དེ་རྒྱུད་རྒྱལ་མཚམས་ལས་བརྒལ་བའི་གནས་ཚུལ་སྤོ་སྒྱུར་གྱི་བདེ་འཇགས་ཞིབ་བཤེར་དང་། རྒྱ་ནག་གི་དྲ་རྒྱའི་ཁོར་ཡུག་དོ་དམ་པའི་ ༢༠༢༢ ལོའི་ཟླ་ ༧ པའི་ནང་ཁྱབ་བསྒྲགས་བྱས་པ་རེད།
འཕྲུལ་རིག་དཔལ་འབྱོར་ལ་མི་མངོན་པའི་སྟོབས་ཤུགས་ཧ་ཅང་ཆེན་པོ་ཡོད་མོད། འོན་ཀྱང་དེ་ནི་ནམ་ཡང་འཇའ་ཚོན་དང་ཕྱེ་མ་ལེབ་ལྟར་མིན། འཛམ་གླིང་ཡོངས་ཀྱི་ཁྱབ་ཁོངས་སུ་གནས་ཚུལ་མང་དག་ཞིག་དང་། 5G དང་། མིའི་ཐབས་ཀྱི་རིགས་ནུས། ཟོག་སྦྲེལ་དྲ་བ་སོགས་ཚད་ལྡན་མིན་པའི་སྒོ་ནས་སྤྱོད་པའི་རྒྱུད། མི་རྣམས་ཀྱིས་སྐུད་ཡོད་གསང་དོན་དང་། འཕྲུལ་རིགས་བདེ་འཇགས། ཞིབ་བཤེར། ལྟ་སྐུལ་ཚོད་འཛིན་བཅས་ཀྱི་འཕྲུལ་རིག་བདེ་འཇགས་ལ་ཤུགས་རྐྱེན་ཐེབས་ཡོད་ལ། རྒྱལ་ཁབ་ཅིག་གི་དྲ་སྦྲེལ་དཔལ་འབྱོར་འཕར་ཚད་དེ་འཛམ་གླིང་ཡོངས་ཀྱི་དྲ་སྦྲེལ་དཔལ་འབྱོར་ལ་ཚད་མཐོའི་བརྟེན་པ་དང་། རྒྱལ་སྤྱིའི་ལྟ་སྐུལ་དོ་དམ་ལས་ཁུངས་རྒྱུད་ཚད་ལྡན་ཅན་དུ་འགྱུར་རོ། གལ་ཏེ་རྒྱལ་ཁབ་ཅིག་གིས་འཛམ་གླིང་ཡོངས་ཀྱི་འཕྲུལ་རིག་དཔལ་འབྱོར་ཁྲིམས་མཐུན་ངང་རྒྱ་སྐྱེད་གཏོང་འདོད་ཡོད་ན། འཕྲུལ་རིག་ཀུན་སྤྱོད་ནི་མེད་དུ་མི་རུང་བའི་གནས་འདོན་ཞིག་ཡིན། འོན་ཀྱང་རྒྱ་ནག་གིས་ལྟ་སྐུལ་དོ་དམ་བྱེད་པའི་འབད་བརྩོན་མང་ཆེ་བ་ནི་རྒྱུ་རྐྱེན་མང་པོ་ཞིག་གི་དབང་གིས་རྩོད་གླེང་ཞིག་ཏུ་བསྒྱུར་ཡོད། རྒྱ་ནག་ཕྱོགས་ཀྱིས་འཕྲུལ་རིག་དཔལ་འབྱོར་སྐོར་གྱི་ལྟ་སྐུལ་དོ་དམ་གྱི་བཅའ་ཁྲིམས་དང་སྲིད་ཇུས་ལག་བསྟར་ནུས་ལྡན་བྱས་ཏེ་ཉེན་ཁའི་ལས་སྒོ་འམ་ཚོང་ལས་དེ་དག་སྲིད་གཞུང་གི་ཚོད་འཛིན་འོག་ཏུ་འཇོག་དགོས།
- ༢༠༡༧ ལོའི་ཟླ་ ༦ པར་ཁྱབ་བསྒྲགས་བྱས་པའི་”དྲ་རྒྱའི་བདེ་འཇགས་བཅའ་ཁྲིམས།“ཀྱི་འདོད་ཚུལ་ལྟར་ན། གཞི་གྲངས་སྲུང་སྐྱོང་དང་གཞི་གྲངས་ས་གནས་ཅན་དུ་འགྱུར་བར་དམིགས་ནས་རྒྱལ་ཁབ་ཀྱི་དྲ་རྒྱའི་བདེ་འཇགས་ཁྲིམས་འཛུགས་ལ་ཤུགས་སྣོན་ཧུར་ཐག་རྒྱག་དགོས། འོན་ཀྱང་བཅའ་ཁྲིམས་འདིའི་བླང་བྱ་ལྟར་དྲ་རྒྱ་གཉེར་སྐྱོང་བྱེད་མཁན་གྱིས་རྒྱ་ནག་གསང་འཕྲིན་ལས་ཁུངས་དང་མཉམ་ལས་བྱས་ནས་བླང་བྱ་ལྟར་དབང་འཛིན་ལས་ཁུངས་ལ་གཞི་གྲངས་ཡོངས་རྫོགས་ཐོབ་ཏུ་འཇུག་དགོས།
- ༢༠༢༡ ལོའི་ཟླ་ ༢ པར་ཁྱབ་བསྒྲགས་བྱས་པའི་”སྒེར་སྡེམ་ལ་ངོ་རྒོལ་བྱེད་པའི་ཕྱོགས་སྟོན་གསར་པ།“དེས་ཚན་རྩལ་མི་སྣས་སྒེར་སྡེམ་གྱི་བྱ་སྤྱོད་བཀག་འགོག་བྱས་ནས་དྲང་གཞག་འགྲན་རྩོད་ལ་བསྔགས་སྐུལ་དང་འཛད་སྤྱོད་པར་སྲུང་སྐྱོབ་བྱེད་ཀྱིན་ཡོད། དོན་དངོས་ཐོག། Alibaba, Tencent, JD.com དང་། Xiaomi སོགས་ཚན་རྩལ་མི་སྣ་ཆེན་པོ་དེ་དག་གི་སྟོབས་ཤུགས་རང་ཉིད་ཀྱི་ལག་ཏུ་བཟུང་ནས་རྒྱ་ནག་གི་སློབ་སྟོན་བྱེད་ཕྱོགས་གསར་པའི་བསམ་བློ་ལྟར་འཐུན་དགོས།
- ༢༠༢༡ ལོའི་ཟླ་ ༦ པ་ནས་ལག་བསྟར་བྱས་པའི་”གཞི་གྲངས་བདེ་འཇགས་བཅའ་ཁྲིམས་“ནི་རྒྱ་ནག་གི་ཆ་འཕྲིན་བདེ་འཇགས་དང་གཞི་གྲངས་གསང་དོན་སྲུང་སྐྱོང་བཅའ་ཁྲིམས་ཀྱི་སྒྲོམ་གཞི་གསར་པ་ཞིག་ཡིན། བཅའ་ཁྲིམས་འདིས་གཞི་གྲངས་ས་གནས་ཅན་དང་། ཕྱིར་གཏོང་། སྲུང་སྐྱོབ་བཅས་ཀྱི་བླང་བྱར་དམིགས་ཡོད་པ་གསལ་ཡོད་མོད། འོན་ཀྱང་དེ་ལས་ལྡོག་སྟེ་ཕྱི་རྒྱལ་གྱི་སྤྱོད་མཁན་གྱིས་དྲ་རྒྱའི་སྟེགས་བུའི་ཐོག་གཞི་གྲངས་ས་གནས་ཅན་དུ་འགྱུར་བར་བཀག་འགོག་བྱས་ཡོད་ལ། སླད་གཞི་གྲངས་ཆེན་པོ་དང་ལྟ་སྐུལ་ཚོད་འཛིན་གྱི་ལག་རྩལ་ལ་བརྟེན་ནས་ས་ཁམས་ཆབ་སྲིད་ཀྱི་ལེགས་ཆ་འདོན་སྤེལ་བྱ་རྒྱུ་ནི་ཁོ་ཚོའི་འཐབ་ཇུས་ཡིན།
རྒྱ་ནག་གི་ཁེ་ལས་པ་ཀྱང་ཟོག་སྦྲེལ་དྲ་བའི་འཕེལ་རྒྱས་ནང་འཛམ་གླིང་ཡོངས་ཀྱི་སྔོན་ཐོན་པ་ཞིག་ཏུ་འགྱུར་བཞིན་ཡོད། (འབྲེལ་མཐུད་རླངས་འཁོར་དང་། རིག་ནུས་ཁྱིམ་སྤྱོད་སྒྲིག་ཆས། འབྲེལ་མཐུད་བཟོ་ལས་སྒྲིག་ཆས་བཅས་)འཕེལ་རྒྱས་གཏོང་བཞིན་ཡོད། ད་ལྟའི་དྲ་རྒྱ་ནི་འབྲེལ་གཏུག་བྱེད་ས་ཙམ་མ་ཡིན་པར་དྲ་རྒྱའི་བར་སྟོང་བརྒྱུད་ནས་ཚོད་འཛིན་བྱེད་པའི་དངོས་ཡོད་འཇིག་རྟེན་གྱི་ནུས་པ་ལྡན་པའི་ “དངོས་པོ་” འཛུགས་སྐྲུན་བྱེད་པའི་བླང་བྱ་མཐོ་བའི་རྒྱུ་རྐྱེན་ཞིག་ཏུ་བསྒྱུར་ཡོད། འདི་ལྟ་བུའི་དྲ་སྦྲེལ་འབྲེལ་མཐུད་བྱ་དངོས་ཀྱི་གཞི་ཁྱོན་ཆེ་བའི་དངོས་ཡོད་འཇིག་རྟེན་གྱི་ཤུགས་རྐྱེན་ཐེབས་པའི་རྐྱེན་གྱིས་མི་སྒེར་དང་། དངོས་ཚན། སྤྱི་ཚོགས་བཅས་ཉིན་རེ་བཞིན་ཟོག་སྦྲེལ་དྲ་བའི་ནང་འཇུག་རྒྱུ་ཡིན་པ་མངོན་གསལ་རེད། རྩིས་ཀྱི་ཐོག་ནས་བཤད་ན། གསར་དར་དྲ་སྦྲེལ་དང་འབྲེལ་མཐུད་བྱེད་པའི་ལག་རྩལ་སྐྱེ་ཁམས་མ་ལག་འདི་རིགས་ཇུས་འགོད་དང་། བགོ་བཤའ། ལྟ་སྐུལ་དོ་དམ་བཅས་བྱེད་པར་ཤུགས་རྐྱེན་ཐེབས་མཁན་ལ་རྟག་ཏུ་གྲུབ་ཚུལ་གྱི་ལེགས་ཆ་ལྡན་པ་རེད། ༢༠༢༠ ལོར་སླེབས་སྐབས་འཛམ་གླིང་ཡོངས་སུ་ཟོག་སྦྲེལ་དྲ་བའི་འབྲེལ་མཐུད་བྱེད་ཚད་དུང་ཕྱུར་ ༡༢༠ ཟིན་པ་དང་། སྔོན་དཔག་བྱས་ན་ ༢༠༣༠ ལོར་སླེབས་སྐབས་མི་གྲངས་དུང་ཕྱུར་ ༡༢༥༠ ལ་སླེབས་རྒྱུ་རེད།
དངོས་པོའི་དྲ་སྦྲེལ་འཕར་སྣོན་བྱུང་བ་དེས་དྲ་སྦྲེལ་གྱི་ཇུས་འགོད་ནང་གནས་ཀྱི་བདེ་འཇགས་ཉེན་ཁ་འདྲེས་ནས་ཆ་འཕྲིན་རང་མོས་ངང་འཁོར་རྒྱུག་བྱེད་ཐུབ་པར་བྱ་དགོས། ནུས་པ་དང་གྲོས་མཐུན་མི་འདྲ་བའི་སྒྲིག་ཆས་འབོར་ཆེན་སྦྲེལ་མཐུད་བྱས་ནས་དྲ་རྒྱ་ཧྲིལ་པོར་འགན་སྲུང་བྱེད་པའི་ལས་འགན་རྙོག་འཛིང་ཆེ་བ་རེད། དངོས་ཡོད་འཇིག་རྟེན་གྱི་དྲ་སྦྲེལ་བྱ་ཡུལ་གྱི་ཤུགས་རྐྱེན་རྒྱ་སྐྱེད་གཏོང་བ་དེས་དྲ་སྦྲེལ་ལས་བརྒལ་ནས་ཁ་ལོ་སྒྱུར་བ་ལས་བྱུང་བའི་གནོད་འཚེའི་རང་བཞིན་ལྡན་པའི་མཇུག་འབྲས་ཀྱི་ཁྱབ་ཁོངས་རྒྱ་སྐྱེད་གཏོང་བཞིན་ཡོད། རྒྱ་ནག་གི་འཕྲུལ་རིག་དཔལ་འབྱོར་མགྱོགས་མྱུར་ངང་འཕར་བ་དང་། ལག་རྩལ་གསར་ཤོས་ཀྱི་འཕེལ་རྒྱས་ཀྱི་མཐའ་རུ་གནས་པའི་མཚན་སྙན་ཡོད་མོད། འོན་ཀྱང་རྒྱ་ནག་གི་དྲ་རྒྱའི་ཀུན་སྤྱོད་ཀྱི་གོམས་སྲོལ་མི་འདང་བ་ནི་དེ་འདྲའི་གསར་པ་ཞིག་མིན། རྒྱ་ནག་གི་རྒྱབ་སྐྱོར་བྱས་པའི་གང་ཟག་འདི་དག་གི་མི་སྒེར་དང་རྒྱལ་ཁབ་མང་པོར་ཉིན་རེ་བཞིན་ཞིབ་བཤེར་དང་ལྟ་ཞིབ་བྱེད་ཤུགས་རྒྱུན་ཆད་མེད་པར་ཆེ་རུ་བཏང་བ་དང་བསྟུན་ནས་རྒྱ་ནག་མི་དམངས་སྤྱི་དང་ལྷག་པར་དུ་གྲངས་ཉུང་མི་རིགས་ལ་ལྟ་ཞིབ་བྱེད་ཀྱིན་ཡོད།
དེས་འཛམ་གླིང་རྒྱལ་ཁབ་ཁག་གི་སྲིད་གཞུང་གིས་སོ་སོའི་རྒྱལ་ཁབ་བདེ་འཇགས་དང་འབྲེལ་བ་ཡོད་པའི་ཉེན་ཁར་ཡང་བསྐྱར་བསམ་བློ་གཏོང་བཞིན་ ༢༠༢༢ ལོའི་ཟླ་ ༦ པར་ཨ་རིའི་སྲིད་འཛིན་ཇོ་སྦ་ཡི་ཀྲན་གྱིས་རྒྱ་ནག་འགོག་སྲུང་ངམ་ལྟ་སྐུལ་ཚོད་འཛིན་ལག་རྩལ་ཁག་ ༥༩ བདེ་འཇགས་རྐྱེན་གྱིས་བཀག་འགོག་བྱས་འདུག། དེའི་ནང་ Hangzhou Hikvision Technology འཕྲུལ་རིགས་རིག་རྩལ་དང་ Huawei Technology ལག་རྩལ་སོགས་ཚུད་ཡོད། དབྱིན་ཇིའི་སྲིད་གཞུང་གིས་ད་དུང་སྲིད་གཞུང་གི་དཔོན་རིགས་གཙོ་བོའི་གཞུང་ལས་ཁང་དུ་ Huawei 5G གླེང་འཕྲིན་དྲ་བ་དང་། Hikvision, Dawua པར་ཆས་སོགས་རྒྱ་ནག་གི་ལག་རྩལ་ཁག་མང་པོ་བཀག་ཏེ་རྗེ་ཚབ་བྱས་ཡོད། བདེ་འཇགས་ལས་འགལ་བའི་གནས་ཚུལ་ཞིག་ན། ༢༠༡༧ ལོ་ནས་བཟུང་ཡུ་གུར་རིགས་དང་། Turki གྲངས་ཉུང་མི་རིགས་གཞན་པ་ཁྲི་ ༡༨༠ ལྷག་བཙོན་སྒར་དུ་བཀོལ་ཡོད་ལ། Hikvision དང་། Dahua པར་ཆས་ཡང་བརྩོན་ཁང་དུ་བེད་སྤྱོད་བྱེད་ཀྱི་ཡོད་པ་རེད། ཁྱབ་བསྒྲགས་བྱས་པར་གཞིགས་ན། ཨ་རིའི་དྲ་རྒྱའི་བདེ་འཇགས་ལས་ཁུངས་ཀྱི་ CISA ཡིས་ཉེ་ཆར་ཨ་རིའི་དྲ་རྒྱའི་བདེ་འཇགས་ཞིབ་འཇུག་ཁང་གི་སྙན་ཞུའི་ནང་རྒྱ་ནག་གིས་བཟོས་པའི་ GPS-enabled ཟོག་སྦྲེལ་དྲ་བའི་སྒྲིག་ཆས་ཀྱི་གནད་སྐྱོན་ཚབས་ཆེན་ཡོད་པ་འཁོད་འདུག། རྒྱ་ནག་གི་མཁོ་འདོན་ཚོང་པས་རྒྱང་རིང་ནས་སྒྲིག་ཆས་འདི་དག་གི་གནས་ཡུལ་ལ་ལྟ་ཞིབ་ཚད་ལེན་བྱེད་དུ་འཇུག་པ་མ་ཟད། རླངས་འཁོར་འགུལ་སྐྱོད་བྱེད་སྐབས་འབར་རྫས་མཁོ་འདོན་བྱེད་མཚམས་འཇོག་སྲིད་པའི་སྐྱོན་ཆ་གཞན་དག་ཡོད་པ་ཤེས་རྟོགས་བྱུང་ཡོད། Hikvision བརྙན་ལེན་འཕྲུལ་ཆས་ལ་ད་དུང་བཀོད་འདོམས་སྨན་ཁབ་རྒྱག་པའི་སྐྱོན་ཆ་ཡོད་པ་ཤེས་ནས་དེ་དག་ལ་གནོད་འཚེ་ཕོག་པའི་སྒྲིག་ཆས་ལ་རྩ་བའི་ཕྱི་ཤུན་ཆ་ཚང་ཐོབ་པར་བྱ་དགོས།
རྒྱ་ནག་གི་ཐབས་ཇུས་མང་པོས་རང་ཉིད་ཀྱི་ཟོག་འབྲེལ་དྲ་སྦྲེལ་ཐོན་རྫས་འཛམ་གླིང་ཡོངས་ཀྱི་ཚོང་རར་རྒྱ་བསྐྱེད་པར་སྐུལ་འདེད་གཏོང་བཞིན་ཡོད་ནའང་། ཆབ་སྲིད་ཀྱི་གཙོ་གནད་དང་། རྒྱལ་ཁབ་བདེ་འཇགས་ཀྱི་ཁེ་ཕན། ཀུན་སྤྱོད་ཀྱི་རིན་ཐང་ལྟ་བ་བཅས་ཁ་ཐོར་དུ་སོང་བའི་རྐྱེན་གྱིས་དྲ་རྒྱའི་བར་སྟོང་ལ་བྱེད་ཐབས་མངོན་གསལ་དོད་པོ་སྤྱད་དེ་སྲིད་གཞུང་བར་མཉམ་ལས་བྱ་དགོས། འཛམ་གླིང་རྒྱལ་ཁབ་ཁག་གིས་དཔལ་འབྱོར་གྱི་གནོན་ཤུགས་ཕུད་དེ་བས་དོགས་ཟོན་བྱ་དགོས། དེར་བརྟེན་ རྒྱ་ནག་གི་ཟོག་འབྲེལ་དྲ་སྦྲེལ་ཐོན་རྫས་དང་གློག་འཕྲིན་རྨང་གཞིའི་སྒྲིག་བཀོད་ལ་རྒྱལ་སྤྱིའི་ཚད་གཞི་དང་ལྟ་སྐུལ་དོ་དམ་ཨུ་ཡོན་ལྷན་ཁང་གི་ཆོག་མཆན་ཐོབ་མེད་ལ། གལ་ཏེ་བེད་སྤྱོད་བཏང་ཚེ་འཛམ་གླིང་ཡོངས་ཀྱི་མི་སྒེར་དང་སྲིད་གཞུང་གི་བདེ་འཇགས་རང་བཞིན་དང་། ཆ་ཚང་རང་བཞིན། གསང་བའི་རང་བཞིན་བཅས་ལ་གནོད་པ་བཟོ་སྲིད་པ་ཞིག་རེད། དྲ་སྦྲེལ་གྱི་སྤྱི་སྤྱོད་སྒྲོམ་གཞི་ནི་སྲུབས་ཀ་མེད་པ་དང་ཡོངས་གྲགས་སུ་གནས་ཚུལ་སྤོ་སྒྱུར་བྱེད་པའི་ཆེད་དུ་ཡིན་མོད། འོན་ཀྱང་རྒྱལ་ཁབ་ཀྱི་བདེ་འཇགས། དཔལ་འབྱོར་དང་ཆབ་སྲིད་ཀྱི་བསམ་གཞིགས་ལ་དོ་ཁུར་བྱེད་པའི་སྲིད་གཞུང་གིས་དྲ་སྦྲེལ་བཀོལ་སྤྱོད་བྱེད་པར་ཚོད་འཛིན་བྱེད་ཀྱི་ཡོད་པས་དེ་ལ་ཡོངས་གྲགས་སུ། Splinternet ཡང་ཟེར། རྒྱ་ནག་གི་བདག་སྐྱོང་མངའ་ཁོངས་ནང་གི་གནས་ཚུལ་སྤོ་སྒྱུར་དང་དྲ་ཐོག་གི་བྱེད་སྒོ་ཚོད་འཛིན་བྱེད་པར་སྤྱོད་པའི་ “རྒྱ་ནག་གི་ལྕགས་རི་རིང་པོ།” ནི་ “གསང་མྱུལ་དྲ་བ།” ཡི་དཔེ་མཚོན་མངོན་གསལ་དོད་པོ་ཞིག་རེད། རྒྱ་ནག་རང་ཉིད་ཀྱི་གཙོ་ཁྲིད་ལག་རྩལ་ཐོན་རྫས་དང་རྨང་གཞིའི་སྒྲིག་བཀོད་ལ་བརྟེན་ནས་འཚོལ་སྡུད་བྱས་པའི་གནས་ཚུལ་ཆེན་པོར་ཞིབ་བཤེར་དང་། ལྟ་ཞིབ། གང་བྱུང་དུ་སྤྱོད་པ་བཅས་ཀྱི་བྱེད་ཐབས་སྤྱད་དེ་འགྲོ་བ་མིའི་ཐོབ་ཐང་ལ་བཙན་གནོད་བཏང་ཡོད་པ་རེད།