རྒྱལ་མཚམས་བརྒལ་བའི་དྲག་གནོན་གྱི་དབུས་སུ་དྲ་རྒྱའི་ཁོར་ཡུག་ནང་འགྲུལ་བཞུད་བྱེད་པ།Navigating the Digital Sphere Amidst Transnational Repression
འཕྲུལ་ཆས་ཐོན་རྫས་དང་ཞབས་ཞུའི་རིགས་རྣམས་ཉིན་རེའི་འཚོ་བའི་ནང་དུ་སྒྲིག་འཇུག་བྱས་པ་དེས་དེང་རབས་སྤྱི་ཚོགས་ལ་གསར་བརྗེ་ཆེན་པོ་ཞིག་ཡིན་པ་དང༌། འཛམ་གླིང་ཡོངས་ཀྱི་ཐོན་སྐྱེད་ནུས་པ་དང་འབྲེལ་བ་ཡར་རྒྱས་བཏང་ཡོད། འོན་ཀྱང༌། ཁེ་ཕན་འདི་དག་དང་མཉམ་དུ་གཏིང་ཟབ་ཀྱི་དཀའ་ངལ་ཡང་ཡོང་གི་ཡོད། ལྷག་པར་དུ་འཕྲུལ་རིག་བདེ་འཇགས་ཀྱི་ཁྱབ་ཁོངས་སུ་དཀའ་ངལ་མང་དག་ཞིག་ཡོང་གི་ཡོད། དྲ་རྒྱ་ནི་གནས་ཚུལ་ཐོག་དམག་འཁྲུག་དང་གློག་ཀླད་གསང་བའི་དམག་ས་ཞིག་ཏུ་གྱུར་ཡོད་པ་དང༌། འདི་ནི་འཛམ་གླིང་ནང་དཔལ་འབྱོར་འགྲན་བསྡུར་དང་རྒྱལ་ཁབ་ཀྱི་བདེ་འཇགས་ལ་སེམས་འཚབ་ཀྱིས་སྐུལ་འདེད་བྱེད་ཡོད། རྒྱ་ནག་དམར་པོའི་དབང་འཛིན་ལམ་ལུགས་ཀྱིས་གནས་སྟངས་འདིའི་ཁེ་ཕན་བླངས་ནས། ཁོང་ཚོའི་ས་མཚམས་ཕྱི་ནང་གཉིས་ཀར་གནས་ཚུལ་མཉམ་སྤྱོད་ལ་ཚོད་འཛིན་བྱེད་པའི་ཆེད་དུ་རྙོག་འཛིང་ཆེ་བའི་ལྟ་ཞིབ་དང་བཀག་སྡོམ་གྱི་ཐབས་ལམ་བེད་སྤྱོད་བྱས་ཡོད། འདིས་རྒྱལ་མཚམས་བརྒལ་བའི་དྲག་གནོན་གྱི་ལས་འགུལ་ཁྱབ་གདལ་ཆེན་པོ་ཞིག་བསླངས་ཡོད་ལ། དེའི་ནང་སྲིད་གཞུང་གིས་རྒྱལ་མཚམས་བརྒལ་ནས་རང་གི་ནུས་པ་རྒྱ་བསྐྱེད་སྟངས་ཏེ་མི་མཐུན་པའི་སྐད་ཆ་མེད་པ་བཟོ་བ་དང་གྲངས་ཉུང་མི་རིགས་ཀྱི་སྐད་ཆ་ཚོད་འཛིན་བྱེད་ཀྱིས་ཡོད།
རྒྱལ་མཚམས་བརྒལ་བའི་དྲག་གནོན་གྱིས་གྲངས་ཉུང་མི་རིགས་དང་ཆོས་ལུགས་ཉུང་ཤས་། ཆབ་སྲིད་མི་མཐུན་པའི་ཤོག་ཁག འགྲོ་བ་མི་ཐོབ་ཐང་གི་ལས་འགུལ་བ། གསར་འགོད་པ། དང་དེ་སྔ་སྲིད་གཞུང་མགོ་རྨོངས་བཟོ་བའི་བྱ་སྤྱོད་ལ་ཉེས་འཛུགས་བྱེད་པའི་མི་སྣ་བཅས་ཀྱི་ཁྱབ་ཁོངས་མང་པོ་ཞིག་ལ་དམིགས་འབེན་བྱེད་ཀྱིས་ཡོད། ལྷག་པར་དུ་རྒྱ་ནག་དམར་པོའི་ཞི་ཅིན་ཕིན་གྱི་འགོ་ཁྲིད་འོག་ཏུ་རང་གི་འབད་བརྩོན་ཇེ་ཆེར་བཏང་ཡོད། ཁོང་ཚོས་རྒྱལ་ཁབ་བདེ་འཇགས་བཅའ་ཁྲིམས་དང་གློག་ཀླད་བདེ་འཇགས་བཅའ་ཁྲིམས་ལྟ་བུའི་དམ་བསྒྲགས་ཆེ་བའི་ཁྲིམས་དང་སྲིད་བྱུས་ལག་བསྟར་བྱས་ནས་ཉེན་ཁར་ངོས་འཛིན་བྱས་པའི་གནད་དོན་རྣམས་རྩ་མེད་བཟོ་བཞིན་ཡོད།
རྒྱ་ནག་གི་བོད་མི་ཐོག་རྒྱལ་ཁབ་བརྒལ་བའི་དྲག་གནོན་ནི་གསར་པ་ཞིག་མིན། འོན་ཀྱང་ཞི་ཅིན་ཕིང་གི་སྲིད་འཛིན་གྱི་འོག་ཏུ་ཧོང་ཀོང་གི་རྒྱལ་ཁབ་བདེ་འཇགས་བཅའ་ཁྲིམས་དང་། རྒྱལ་ཁབ་གསང་བའི་ལས་ཁུངས་ཀྱི་བཅའ་ཁྲིམས། དྲ་རྒྱའི་བདེ་འཇགས་བཅའ་ཁྲིམས། གཞི་གྲངས་བདེ་འཇགས་བཅའ་ཁྲིམས་ལྟ་བུའི་བཅའ་ཁྲིམས་གསར་པ་འདི་དག་གིས་རྒྱ་ནག་ཕྱི་ནང་གཉིས་ཀར་ ༼ དྲག་སྤྱོད་རིང་ལུགས་དང་། ནང་འཛུལ། ཁ་བྲལ་རིང་ལུགས། ༽བཅས་ལ་ངོ་རྒོལ་བྱེད་པའི་ཁྲིམས་ལུགས་ལ་དོ་སྣང་ཆེ་རུ་བཏང་ཡོད། རྟག་ཏུ་འགྱུར་བཞིན་པའི་ནག་ཉེས་ཅན་དང་ལག་རྩལ་གྱི་བཅའ་ཁྲིམས་གསར་པ་འདི་དག་གྱིས་གཉའ་གནོན་འོག་ཏུ་གནས་པའི་གྲངས་ཉུང་མི་རིགས་ཚོར་རང་ཉིད་ཀྱི་ཉེས་མེད་ཡིན་པའི་རྒྱུ་མཚན་འགྲེལ་བཤད་བྱེད་པའམ་དྲང་བདེན་གྱི་ཁྲིམས་ཁྲིར་འགྲོ་བའི་གོ་སྐབས་ཧ་ལམ་མེད་པ་བཟོས་ཡོད། རྒྱ་ནག་གི་ཕྱིར་གནས་སྡོད་བྱེད་པའི་གྲངས་ཉུང་མི་རིགས་ཚོའི་ནང་མི་དང་གཉེན་ཉེ་རྣམས་ལ་སྲིད་གཞུང་གི་ལས་འཆར་ཁག་ལ་མ་ཉན་པའི་རྐྱེན་གྱིས་འཚོ་བའི་མཐུན་རྐྱེན་འཕྲོག་པ་དང་། ཁྲིམས་འགལ་གྱི་ཕྱིར་འབུད། ཁྲིམས་མཐུན་མིན་པའི་བཙོན་འཇུག ཡུན་རིང་དམིགས་འབེན་དུ་བཟུང་བའི་ལྟ་རྟོག་དང་གསང་ལྐོག་ལས་དོན་སོགས་ཁྲིམས་མཐུན་མིན་པའི་ཐབས་ལམ་ཡོད་དོ་ཅོག་གིས་ཉེས་ཆད་འགེལ་བཞིན་ཡོད། རྒྱ་ནག་ནང་གི་རྒྱལ་མཚམས་བརྒལ་བའི་དྲག་གནོན་གྱིས་སྐྱོན་ཐེབས་པའི་གང་ཟག་རྣམས་རྒྱ་ནག་གི་ཁྲིམས་དང་སྲིད་བྱུས་ལ་འགྱུར་བ་ཆེན་པོ་ཡོང་སྲིད་པའི་དོ་སྣང་བྱེད་རྒྱུ་གལ་ཆེན་པོ་ཡིན། མ་ཟད་གང་ཟག་འདི་དག་ལ་འཕྲུལ་རིག་གྱི་འཇིགས་སྐུལ་དང་། རྒྱ་ནག་བང་ཡོད་པའི་ཁོང་ཚོའི་ནང་མིར་འཇིགས་སྐུལ་གྱི་ཐབས་བྱུས། རྒྱ་ནག་ནང་དུ་ཕྱིར་ལོག་བྱེད་དུ་འཇུག་པའི་བཙན་བཀའ་དང་བསྡིགས་ར་སོགས་བྱེད་ཀྱིས་ཡོད། ད་དུང་གང་ཟག་འདི་དག་ལ་ད་ལྟའི་ཆབ་སྲིད་ཀྱི་ལས་འགུལ་མཚམས་འཇོག་བྱེད་དགོས་པ་དང་། གང་ཟག་སྒེར་གྱི་ངི་ཤེས་རྣམས་གསལ་སྟོན་བྱེད་དགོས་པ། དེ་དང་འབྲེལ་བའི་གནས་ཚུལ་གཞན་མཁོ་སྤྲོད་བྱེད་པ་བཅས་ཀྱི་ཆེད་དུ་གནོན་ཤུགས་ཧ་ཅང་ཆེན་པོ་སྤྲོད་བཞིན་ཡོད།
སུད་སིར་གནས་སྡོད་མཁན་བོད་མི་དོན་གྲུབ་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཞིབ་འཇུག་པ་ཚོར་ཡིད་སྐྱོའི་ཉམས་མྱོང་ཞིག་སྤེལ་ཡོད། ཕྱི་ལོ་ ༢༠༢༡ ལོར་ཁོང་ལ་བོད་ནང་གི་སྤུན་མཆེད་ཅིག་ནས་བརྙན་ལམ་ནས་ཁ་པར་ཞིག་འབྱོར་བ་དང་། སྐབས་དེར་སྤུན་མཆེད་དེའི་མཐའ་འཁོར་དུ་ས་གནས་ཉེན་རྟོག་ཁང་གི་ཉེན་རྟོག་པ་མང་པོ་བསྐོར་ཡོད། ཉེན་རྟོག་པ་ཚོས་དོན་གྲུབ་ལ་རྒྱ་ནག་གི་སྲིད་བྱུས་ལ་ངོ་རྒོལ་བྱེད་པའི་ལས་འགུལ་ནས་མཚམས་འཇོག་དགོས་པའི་ཉེན་བརྡ་བཏང་བ་དང་། གལ་ཏེ་མ་ཉན་ཚེ་ཁོང་གི་སྤུན་ཆེད་ཚོར་གནོད་འཚེ་ཡོང་རྒྱུའི་འཇིགས་སྐུལ་བྱས་འདུག བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱལ་ཁབ་བཅུའི་ནང་གི་བཙན་བྱོལ་བ་བོད་མི་ ༨༤ ནས་དཔང་རྟགས་བསྡུ་རུབ་བྱས་ཡོད་པ་དང་། དེའི་ནང་མི་ ༤༩ ཡི་བོད་ནང་གི་སྤུན་ཆེད་ཚོར་འཇིགས་སྐུལ་བྱས་ཡོད་པ་བསྟན་ཡོད། བོད་མི་བཙན་བྱོལ་བ་ཁག་ཅིག་ལ་ལས་ཀའི་གོ་སྐབས་དང་རྔན་པ་སྤྲད་ནས་རྒྱ་ནག་གཞུང་དང་མཉམ་ལས་བྱེད་པའི་མགོ་བསླུ་བྲིད་བྱེད་ཡོད་པ་དང་། ལ་ལར་བལྟ་ཞིབ་ནན་པོ་དང་རང་སོར་ལྟ་སྐུལ་ཚོད་འཛིན་གྱི་རྐྱེན་པས་ཁོང་ཚོའི་ཞུ་གཏུག་ལས་རིམ་ལ་འཇིགས་སྣང་བྱེད་ཀྱིས་ཡོད། རྒྱ་ནག་གཞུང་གི་སྡུག་སྦྱོང་མུ་མཐུད་དེ་བོད་མིའི་ངོ་བོ་རྩ་མེད་བཟོ་རྒྱུ་དང་། ངོ་རྒོལ་གྱི་སྐད་ཆ་ཚང་མ་མེད་པ་བཟོ་རྒྱུར་དམིགས་ཡུལ་ཡོད་པ་དང་། དེའི་རྐྱེན་གྱིས་མི་ཁ་ཤས་ཀྱིས་རང་ཉིད་དང་ནང་མི་སྲུང་སྐྱོབ་ཆེད་དུ་མིང་མེད་པ་བཟོ་བའམ་རང་སོར་ལྟ་སྐུལ་ཚོད་འཛིན་བྱེད་ཀྱིས་ཡོད།
རྒྱ་ནག་གི་རྒྱལ་མཚམས་བརྒལ་བའི་དྲག་གནོན་ནི་དམིགས་འབེན་དུ་བཟུང་བའི་དྲ་རྒྱའི་འཇིག་སྐུལ་དང་གསང་ལྐོག་ལས་དོན་བཅས་ཀྱི་ལོ་ངོ་ཉི་ཤུ་ལྷག་གི་རིང་ལ་བོད་མིའི་བཙན་བྱོལ་སྤྱི་ཚོགས་ཁྲོད་ཀྱི་གལ་ཆེའི་མི་སྣ་དང་གཞུང་ཁུངས་མིན་པའི་ཚོགས་པ་ཁག་ལ་དམིགས་ནས་གནོད་འཚེ་བཏང་ཡོད། དྲ་རྒྱའི་བདེ་འཇགས་ཀྱི་ངོས་ནས་བཤད་ན། གང་ཟག་སོ་སོས་དྲ་རྒྱའི་ཁོར་ཡུག་ནང་དུ་ཧ་ཅང་གི་གཟབ་གཟབ་བྱས་ཏེ་ལྟ་སྐུལ་ཚོད་འཛིན་དང་། ཞིབ་བཤེར། བཀག་སྡོམ། དེ་མིན་གྱི་དམིགས་འབེན་དུ་བཟུང་བའི་དྲ་རྒྱའི་འཇིག་སྐུལ་བཅས་ལས་སྔོན་འགོག་དང་གནོད་འཚེ་མེད་པ་བཟོས་དགོས། ང་ཚོའི་སྒྲིག་ཆས་ཁག་གི་སྒེར་གྱི་གསང་བ་དང་བདེ་འཇགས་ལ་དམ་དྲག་ཅན་གྱི་བཀག་སྡོམ་དང་ལྟ་སྐུལ་ཚོད་འཛིན་ལས་སྲུང་སྐྱོབ་བྱེད་པར་གཤམ་གསལ་གྱི་ལག་ལེན་ཡག་ཤོས་ཁག་ལ་དོ་སྣང་གྱིས།
༡། མ་སྒུག་པར་གསར་སྣོན་བྱོས། ཁྱེད་ཀྱི་གློག་ཀླད་ཀྱི་མཉེན་ཆས་/བཀོལ་སྤྱོད་མ་ལག་རྣམས་རྒྱུན་དུ་ཐོན་གསར་ཤོས་སུ་གསར་སྣོན་བྱེད་དགོས། དེས་བཙན་དབང་ངམ་ཡང་ན་འཆར་གཞི་མེད་པར་བཅུག་པའི་སོ་མྱུལ་མཉེན་ཆས་དང་གནོད་འཚེ་ཅན་གྱི་མཉེན་ཆས་ལས་སྲུང་སྐྱོབ་བྱེད་ཀྱིས་ཡོད།
༢། ཁྱེད་ཀྱི་གློག་ཀླད་རྣམས་བདེ་འཇགས་ངང་ཉར་ཚགས་བྱོས། གསང་ཚིག་མཁྲེགས་པོ་བེད་སྤྱོད་བྱེད་པ་དང་། རིམ་པ་གཉིས་ཀྱི་ར་སྤྲོད་ (2FA) སྤྱོད་པ། གནོད་འཚེ་ཅན་གྱི་མཉེན་ཆས་མེད་པ་བཟོ་མཁན་གྱི་མཉེན་ཆས་འཇུག་སྒྲིག་བྱེད་པ་བཅས་ཀྱིས་ཁྱེད་ཀྱི་སྒྲིག་ཆས་རྣམས་ཆོག་མཆན་མེད་པར་ལྟ་སྤྱོད་བྱེད་པ་ལས་སྲུང་སྐྱོབ་བྱེད་དགོས།
༣། བདེ་འཇགས་ཅན་གྱི་འབྲེལ་གཏུག་བྱེད་སའི་སྡིངས་ཆ་འདེམས་དགོས། གསང་བའི་གནས་ཚུལ་བརྗེ་རེས་བྱེད་སྐབས་ Signal དང་ WhatsApp ལྟ་བུའི་བདེ་འཇགས་ཅན་གྱི་འཕྲིན་ཐུང་མཉེན་ཆས་བེད་སྤྱོད་བྱས་ཏེ་ཁྱེད་ཀྱི་འབྲེལ་གཏུག་བྱེད་སའི་སྡིངས་ཆ་རྣམས་གསང་སྡོམ་རྒྱབ་ཡོད་པ་དང་སྲུང་སྐྱོབ་བྱེད་དགོས།
༤། སྤྱི་ཚོགས་བརྒྱུད་ལམ་ཐོག་སྒེར་གྱི་གནས་ཚུལ་མ་སྤེལ། སྤྱི་ཚོགས་བརྒྱུད་ལམ་གྱི་སྡིངས་ཆའི་ཐོག་སྒེར་གྱི་གནས་ཚུལ་བརྗེ་ལེན་མ་བྱེད། གང་ཡིན་ཟེར་ན་དབང་འཛིན་པའི་སྲིད་གཞུང་གིས་དེ་དག་ལྟ་སྐུལ་ཚོད་འཛིན་དང་འཇིགས་སྐུལ་གྱི་ཆེད་དུ་བེད་སྤྱོད་བྱེད་སྲིད།
༥། VPNs ཡང་ན་ Tor ལྟ་བུའི་བཀའ་འགོག་གཡོལ་ཐབས་ཡོ་བྱད་བེད་སྤྱོད་བྱེད་དགོས། ཡིད་ཆེས་འཕེར་བའི་ VPNs ཡང་ན་ Tor བེད་སྤྱོད་བྱས་ཏེ་ཁྱེད་རང་གི་སྒེར་གྱི་ངོ་བོ་སྦས་པ་དང་རྗེས་འདེད་གཏོང་ཐུབ་པའི་ནུས་པ་ཉུང་དུ་གཏོང་དགོས། ཡོ་བྱད་འདི་དག་གིས་དབང་འཛིན་པ་ཚོས་ཁྱེད་ཀྱི་འབྲེལ་གཏུག་ལ་ལྟ་སྐུལ་བྱེད་པ་ལས་སྲུང་སྐྱོབ་བྱེད་པར་རོགས་རམ་བྱེད་ཐུབ།
༦། གློག་འཕྲིན་དང་འབྲེལ་ཐག་ལ་གཟབ་གཟབ་བྱོས། དྲྭ་བསླུ་དར་ཁྱབ་ལས་སྔོན་འགོག་བྱེད་པའི་ཆེད་དུ་དོགས་ཟོན་ཆེ་བའི་འབྲེལ་ཐག་གནོན་རྒྱུ་དང་། ཡང་ན་ཁུངས་ལྡན་མ་ཡིན་པ་ལས་ཕབ་ལེན་བྱེད་རྒྱུ་སྤོང་དགོས།
ཁྱེད་རང་དང་ཁྱེད་ཀྱི་དྲ་རྒྱ་ལེགས་ཤོས་ངང་སྲུང་སྐྱོབ་བྱེད་སྟངས་ཐད་ཀྱི་གནས་ཚུལ་རྒྱས་པ་ཤེས་འདོད་ན། བོད་ཀྱི་གློག་ཀླད་ཛ་དྲག་གྲ་སྒྲིག་ཚན་ཁག་གི་ཤེས་བྱའི་གཞི་རྟེན་ལ་གཟིགས་རོགས། གལ་སྲིད་ཁྱེད་རང་རྒྱལ་མཚམས་བརྒལ་བའི་དྲག་གནོན་ཀྱི་གནོད་འཚེ་ཕོག་པའི་གང་ཟག་ཞིག་ཡིན་ཚེ། ང་ཚོའི་རོགས་རམ་ལས་ཁུངས་ལ་འབྲེལ་བ་བྱ་རྒྱུར་ཐེ་ཚོམ་མ་བྱེད། ང་ཚོས་དཀའ་ངལ་འདི་དག་ལ་ནུས་པ་ལྡན་པའི་སྒོ་ནས་གདོང་ལེན་བྱེད་པར་དགོས་ངེས་ཀྱི་ཐོན་ཁུངས་དང་། རྒྱབ་སྐྱོར། སྦྱོང་བརྡར་བཅས་མཁོ་སྤྲོད་བྱེད་ཐུབ།
The integration of technological products and services into daily life has revolutionized modern society, enhancing productivity and connectivity on a global scale. However, alongside these benefits come profound challenges, particularly in the realm of digital security. The internet has evolved into a battleground for information warfare and cyber espionage, fuelled by global economic competition and national security concerns. Authoritarian regimes like the Chinese Communist Party (CCP) have capitalized on this landscape, deploying sophisticated surveillance and censorship measures to control the flow of information both within and beyond their borders. This has given rise to a pervasive campaign of transnational repression, wherein governments extend their reach across borders to silence dissent and suppress minority voices.
Transnational repression targets a wide array of individuals, including ethnic and religious minorities, political dissidents, human rights activists, journalists, and former insiders accused of subversive activities. The CCP, in particular, has intensified its efforts under Xi Jinping’s leadership, enacting stringent laws and policies to quash perceived threats, such as the National Security Law and Cybersecurity Law.
Transnational repression against Tibetans is not new. However, under Xi Jinping’s presidency, aggressive new laws such as Hong Kong’s National Security Law, the National Intelligence Law, the Cybersecurity Law, and the Data Security Law have amplified the CCP’s legislative efforts against alleged “terrorism, infiltration, and separatism” both inside China and beyond. These new criminal and technology laws, compounded with ever-changing policies, leave little room for oppressed minorities to justify their innocence or receive fair legal trials. Families and relatives of minorities residing outside China are severely punished by all legal means for any disobedience to the regime’s agendas, including livelihood disruption, unlawful deportation, wrongful imprisonment, and sustained targeted surveillance and espionage. It is crucial for potential victims of the CCP’s transnational repression to stay vigilant regarding changes in laws and policies within the CCP’s jurisdiction. Victims are subjected to digital threats, intimidation tactics against their family members who are still within CCP jurisdictions, blackmail, and coercion to return. Enormous pressures are exerted on victims to cease their current political activities, reveal their networks, and provide other relevant information.
Dhonden, a Tibetan in Switzerland, shared a harrowing experience with researchers at the Tibetan Centre for Human Rights and Democracy (TCHRD). In 2021, he received a video call from a sibling in Tibet, who was surrounded by police at the local station. Officers warned Dhonden to avoid activities against Chinese policies, threatening consequences for his relatives if he disobeyed. TCHRD collected testimony from 84 exiled Tibetans across 10 countries, revealing threats to 49 individuals’ relatives in Tibet. Some exiles were lured into collaboration with the CCP through job offers or compensation, while others fear surveillance and self-censorship in their advocacy efforts. The CCP’s relentless repression aims to erase Tibetan identity and suppress dissent, driving some to anonymity or self-censorship to protect themselves and their families.
The CCP’s transnational repression is compounded by a series of targeted cyber attacks and espionage, stretching over two decades against key prominent figures and civil society organizations (CSOs) within the Tibetan diaspora community. From a cybersecurity perspective, individuals should exercise great caution in the digital sphere to prevent and mitigate potential surveillance, censorship, and other targeted cyber attacks. To maintain privacy and security on our devices in the face of intense censorship and surveillance, here are some important best practices:
1. Don’t Wait, Update: Regularly update your device software/OS to the latest version. This protects against outdated spywares and malwares that may be installed forcefully or accidentally.
2. Keep Your Devices Secure: Use strong passwords, enable two-factor authentication (2FA), and install anti-malware software to protect your devices from unauthorized access.
3. Choose Secure Communication Platforms: Use secure messaging applications like Signal or WhatsApp when exchanging sensitive information to ensure your communications are encrypted and protected.
4. Don’t Put Personal Information on Social Media: Avoid sharing personal information on social media platforms, as this can be used for surveillance and intimidation by authoritarian regimes.
5. Use Circumvention Tools such as VPNs or Tor: Hide your personal identity and reduce traceability by using reliable and trustworthy VPNs or Tor. These tools help protect your communications from being monitored by authorities.
6. Be Cautious with Emails and Links: Avoid clicking on suspicious links or downloading attachments from unknown sources to prevent phishing attacks.
For more information on how you can best protect yourselves and your networks, visit TibCERT Knowledge Base. Should you find yourself targeted by transnational repression, don’t hesitate to reach out to our Helpdesk for assistance. We’re here to provide the necessary resources, support, and training to navigate these challenges effectively.